ياحضرموت مابنبيعش للجنوبي والشمال

ياحضرموت
( مابانبيعش للجنوبي والشمال)


معاد بتكلم وﻻ باقول شي
ماشي على المولى اذا قدر محال

ولعاد بشكي الحال من لي حل بي
ﻻشفت حال الناس حالي خير حال

ع حضرموت الخير ياعين ادمعي
عاقوش ياقهراه انصاف الرجال

هذا طلع خاين وهذا مرتشي
بانت فعايلهم خبيثين العمال

واليوم عدتي يامصلي على النبي
وللتحالف شكر يتعدا الخيال

لي كونوا نخبه بهم بانحتمي
مابانبيعش للجنوبي والشمال

في يد اوﻻدك وقادك بحسني
قايد وافعاله تهز حتى الجبال

نفخر بهذا الجيش ﻻنه حضرمي
بعد الصبر نحمده حققنا المنال

أمير القوافي
علي العوبثاني